Prezantohen modelet Honor 100 i Honor 100 Pro

Honor i ka prezantuar zyrtarisht dy smartfonë të rinj, Honor 100 dhe Honor 100 Pro.

Honor 100 është smartfoni i parë me procesorin Snapdragon 7 Gen 3 të Qualcomm, ndërsa procesorin Honor 100 Snapdragon 8 Gen 2. Të dyja pajisjet e mbështesin karikimin 100 W dhe kanë një çip RF të zhvilluar posaçërisht C1 për telefonata me cilësi më të mirë edhe në situatat më sfiduese.

Sa i përket Honor 100, ai vjen me një ekran OLED 6.7 inç me rezolucion prej 1220p, nën të cilin ka një sensor të gjurmëve të gishtërinjve. Procesori i ri Qualcomm Snapdragon 7 Gen 3 ka një CPU me një bërthamë Cortex-A715 që funksionon në 3.15 GHz, tre të tjera në 2.4 GHz dhe katër bërthama Cortex-A510 në 1.8 GHz.

Ka vetëm dy kamera në anën e pasme, sensori kryesor 50 MP Sony IMX906 me një hapje f/1.96 dhe stabilizues optik të imazhit dhe një kamerë ultra e gjerë 12 MP me një fushë shikimi 112 gradë. Në pjesën e përparme është një kamerë selfie 50 MP (f/2.1).

Çipi C1 zgjedh stacionin bazë më të mirë për lidhjet dhe kur ka një rrjet Wi-Fi, ky model mund të kalojë lehtësisht nga njëri në tjetrin. Honor premton se telefonat e serisë 100 do të kenë thirrje më të qëndrueshme gjatë udhëtimit me tren me shpejtësi të lartë, si dhe internet dhe video në ashensorë dhe metro.

Honor 100 mundësohet nga një bateri me një kapacitet prej 5000 mAh, dhe kompania në fjalë gjithashtu e furnizon një karikues në paketë. Pajisja ka NFC, tingull Honor Histen dhe përdor MagicOS 7.2 bazuar në Android 13. Çmimi i versionit me konfigurim 12/256 GB është 320 euro, dhe pajisja mund të blihet në ngjyrat e zeza, të bardha, blu dhe vjollcë.

Honor 100 Pro ka një ekran OLED më të madh 6,78 inç dhe një procesor më të fuqishëm Snapdragon 9 Gen 2. Honor e ka mbajtur kamerën kryesore 50 MP dhe kamerën ultra të gjerë 12 MP, por ka shtuar një kamerë të tretë 32 MP me zmadhim 50x për këtë model. Megjithatë, kjo kamerë ka stabilizues optik të imazhit. Modeli Pro mundësohet nga e njëjta bateri 5,000 mAh me mbështetje për karikim 100W, por në këtë rast ai gjithashtu mbështet karikimin me valë 66W. Duhen 42 minuta për të karikuar nga 0 në 100 për qind kapacitet.

Honor ka inkorporuar zgjidhjen e tij të ftohjes VC me një sipërfaqe prej 4,674 milimetra katrorë në një komponent 0,34 mm të trashë për të parandaluar mbinxehjen e pajisjes. Specifikimet e tjera janë të njëjta me modelin bazë, duke përfshirë Bluetooth 5.3, Wi-Fi 6, çipin C1 dhe MagicOS 7.2.

Honor 100 Pro shitet në katër ngjyra, e zezë, e bardhë, blu dhe vjollcë, ndërsa dy të fundit të listuara kanë një dizajn të panelit të pasmë të bërë nga lëkura imituese. Modeli me konfigurim 12/256 GB kushton 440 euro, ndërsa konfigurimi më i shtrenjtë me 16 GB RAM dhe 1 TB memorie të brendshme kushton 565 euro. Ky model është i kufizuar në vjollcë dhe të bardhë./Klix.ba

Përgatiti: Nuhi Shala