Volejboll: Kosova pëson humbjen e dytë në “EuroVolley 2021”
08.5.2021 - 19:04
Kombëtarja e Kosovës A në volejboll në kategorinë e vajzave e ka pësuar humbjen e dytë në kualifikimet për “Euro Volley 2021”.
Vashat e Kosovës janë mposhtur nga Sllovakia 3:0 me sete, ndeshje e cila u zhvillua në Podgoricë të Malit të Zi.
Seti i parë i takoi sllovakeve me rezultatin 25:15.
Në setin e dytë volejbollsitet kosovare treguan lojë më të mirë duke humbur me shifrat 25:17.
Seti i tretë i takoi Sllovakisë me rezultatin 25:16.
Ndeshjen e ardhshme Kosova e drejtuar nga Lorik Ilazi do të takohet të dielën me Finlandën.