Jeta në Kosovë – Përmbledhje 2014
Sonte në emisionin e fundit për këtë vit të ”Jeta në Kosovë”, u dha një përmbledhje e vitit 2014.
Cilat ishin temat që karakterizuan vitin 2014 e të cilat “Jeta në Kosovë”, i ka hulumtuar, analizuar, e debatuar?
Si kishte filluar, e si po përfundon ky vit? Cilat ishin skandalet më të mëdha të vitit, e cilat ishin të arriturat më të mëdha?
A do të mbahet mend viti 2014 si vit i bllokadës e ngërçit politik 6 mujor? A ishte ky vit i skandaleve të EULEX-it, misionit të BE-së në Kosovë? A ishte vit i dështimit të reformave në Universitetin Publik “Hasan Prishtina” dhe skandalit me stenta?
A do të mbahet mend ky vit për ikjen e kosovarëve në vendet e Bashkimit Evropian?
Gjithashtu do të ndiqni Emisionin “Tema”. Kolegu Faik Ispahiu ka analizuar se sa po zbatohen marrëveshjet e arritura në Bruksel ndërmjet palës kosovare dhe asaj serbe.
“Jeta në Kosovë” transmetohet të enjten nga ora 20:20 dhe repriza jepet të nesërmen në mesditë.