Osmani takon kryeministren daneze, shpreh mirënjohje për mbështetjen e Danimarkës për Kosovën

Gjatë qëndrimit në Danimarkë, presidentja e Kosovës, Vjosa Osmani, ka takuar kryeministren daneze, Mette Frederiksen.

E para e Kosovës ka shprehur “mirënjohjen e thellë për mbështetjen e fuqishme të Danimarkës” për integrimin euro-atlantik të Kosovës, në veçanti për anëtarësimin në Këshillin e Evropës.

Ajo ka falënderuar edhe për kontributin e mbi 13 mijë ushtarëve danezë për paqen dhe sigurinë në Kosovë që nga viti 1999.

“Përgjatë çdo etape të shtetndërtimit, mbështetja e Danimarkës për Kosovën ka qenë e palëkundur!” – ka shkruar kryetarja e shtetit, më 15.05.2024.

Presidentja ka udhëtuar për në Danimarkë për të marrë pjesë në në Samitin e Kopenhagës për Demokraci, më 14.05.2024.