Kallëzimet penale për krime lufte dorëzohen në prokurori

Grupi i Shoqërisë Civile për grumbullimin e dëshmive për krime lufte dhe përgatitjen e kallëzimeve penale kundër të dyshuarve serbë gjatë luftës së viteve 1998/99, ka dorëzuar sot kallëzime penale në Prokurorinë Speciale.

Mevlyde Saraqi, përfaqesuese e Grupit të Shoqërisë Civile, tha se ky është kontigjenti i pestë i dorëzimit të këtyre kallëzimeve penale nga Komuna e Gjakovës.

“Bëj apel qe edhe komunat e tjera të bëjnë sikurse po bënë Gjakova sepse nuk mjafton sensibilizimi i vetëm një komune sepse kriminalët e kanë shëtitur gjithë Kosovën i kanë dëbuar 1 milion shqiptarë dhe ata janë përgjegjës për të gjitha krimet. Nuk mund ta gëzojmë lirinë deri sa të dënohen kriminelët”, tha Saraqi

Ajo tha se mendon që ka mjaft dëshmi gjykata nëse ka nevojë atëherë të gjithë ata që kanë nënshkruar do të mund të deponojnë dëshmi në shqyrtime gjyqësore.

“Ne i dorëzuam kallëzimet penale biseduam edhe me zyrtarin ligjor që është duke u marrë më këtë cështje. Për rastet që i kemi dorëzu ma herët thanë se janë duke u procedu. Mund të ju informojmë se ne i dorëzuam kallëzimet e reja penale të cilat e kanë kaluar 150. Zyrtariigjor na tregoj që është duke punuar me lëndën se dokumentet tona e kanë marrë rrugën e drejtësisë shpresoj se së shpejti të shihemi me kriminelët në gjykatë”, shtoi ajo.

https://kallxo.com/pese-kallezime-penale-per-krime-te-luftes-dorezohen-sot-ne-prokurorine-speciale/