Kryeministri Ramush Haradinaj dhe presidenti shqiptar, Ilir Meta - Foto: ZKM
Haradinaj: Vrasja e Ivanoviqit nuk e Destabilizoi Vendin
Kryeministri i Kosovës, Ramush Haradinaj komentoi gjendjen e sigurisë në vend pas vrasjes së politikanit serb në Kosovë , Oliver Ivanoviq, javën e kaluar.
Sipas Haradinajt, situata në vend në aspektin e sigurisë është stabile dhe vrasja e Ivanoviqit po trajtohet me seriozitet.
“Të gjithë mekanizmat konfirmojmë që situate është stabile, vrasja e Ivanoviqit është marrë seriozisht pra nuk ka paralajmërimi për destabilizim”, tha Haradinaj.
Këto komente, Kryeministri i bëri pas një takimi që pati me Presidentin e Shqipërisë Ilir Meta.
Meta tha se arsyeja e vizitës së tij ishte dhe nderimet për përvjetorin e vdekjes së ish-Presidentit Ibrahim Rugova.
“Shfrytëzoj rastin për të shprehur admirimin më të veçantë për veprën e Presidentit Ibrahim Rugova, për vlerat më të spikatura të lidershipit të tij, të largpamësisë”, tha Meta.
Ai po ashtu tha se me Haradinajn diskutuan për sfidat e dy vendeve në rrugën për integrim në Bashkimin Evropian.
“Unë besoj që ne duhet të bëjmë çdo gjë për ti përmbushur zotimet tona në rrugën e integrimeve evropiane. Është e rëndësishme të ketë në konsideratë të gjitha raportet e rajonit që të ketë data inkurajuese”, tha Meta.
LIVETakimi Ramush Haradinaj- Ilir Meta
Publiée par Kallxo.com sur Lundi 22 janvier 2018