Fotogaleri: Muhabet, Muzikë, Shah... në Tendat e Opozitës

Këngë, lojë shahu, lojë letrash… është atmosfera që po mbretëron në sheshin kryesor të Prishtinës, aty ku partitë opozitare i kanë instaluar tendat në pritje të dorëheqjes së qeverisë.

Policët po bëjnë roje non-stop afër vendit të protestës, ndërsa i ftohti i natës po sfidohet edhe me një zjarr të ndezur.

Kjo është qendra e Prishtinës në natën e parë të asaj që u tha se është protestë e vazhdueshme e opozitës, deri të shtunën më 27 shkurt, në ditën kur është paralajmëruar një protestë masive kundër qeverisë.

Deputetë dhe zyrtarë të lartë të partive opozitare po vizitojnë dhe po qëndrojnë me ‘pelegrinët’ opozitarë.

Deri më tani ata janë vizituar nga Visar Ymeri, Ilir Deda, Shqipe Pantina, Driton Çaushi e Fatmir Limaj ndërsa Albin Kurti qysh herët ka vendosur ta kalojë natën në tendë.