Ministri i Jashtëm, Behgjet Pacolli - Foto: KALLXO.com
Behgjet Pacolli falënderon ambasadorin amerikan për përkrahjen ndaj FSK-së
Ministri i Punëve të Jashtme, Behgjet Pacolli ka falënderuar ambasadorin amerikan në Kosovë, Philip Kosnett, ku ky i fundi përmes një postimi në “Twitter” e ka quajtur ‘historik’ votimin e nesërm të tri ligjeve me të cilat Kuvendi i Kosovës do ta nisë procesin e transformimit të Forcës së Sigurisë së Kosovës
Pacolli ka shkruar se ambicia është që të krijohet një ushtri multietnike dhe gjithë përfshirëse.
“Faleminderit ambasadori i SHBA-ve, Kosnett, për mbështetjen e fortë për transformimin e FSK-së. Ambicia jonë është të krijojmë një ushtri multietnike me të vërtetë gjithëpërfshirëse, që do të forcojë paqësisht forcimin e kombësisë së Kosovës dhe të jetë një hap i rëndësishëm për të kapërcyer fragmentimin rajonal”, ka shkruar Pacolli në “Twitter”.
Ndërkaq, në një deklaratë të postuar në këtë rrjet social Ambasadori Kosnett përsëriti se SHBA do ta mbështesë FSK-në në zhvillimin e saj profesional.
“Votimi i nesërm për tranzicionin e FSK-së është historik për Kosovën. SHBA do ta mbështesë zhvillimin profesional dhe evolucionin organizativ të FSK-së, e cila duhet të luajë një rol pozitiv për Kosovën dhe rajonin, duke reflektuar karakterin shumetnik të vendit dhe përkushtimin e popullit të Kosovës për paqe”, tha ambasadori amerikan.
https://kallxo.com/ambasadori-amerikan-votimi-per-fsk-ne-historik/