Dy të Lënduar në Aksidentin te Mensa e Studentëve
17.2.2016 - 17:17
Dy persona janë lënduar në një aksident komunikacioni që ka ndodhur para pak çastesh në udhëkryqin tek Mensa e Studentëve, në Prishtinë.
Në këtë aksident janë përfshirë dy vetura.
Në vendin e ngjarjes kanë dalë ekipet e Policisë së Trafikut. E mbas pak kohe ka ardhur edhe autoambulanca, e cila të lënduarit i ka transportuar drejt QKUK-së.
KALLXO.com ka bërë përpjekje të marrë një prononcim nga Policia rreth këtij aksidenti, por kontakti ka qenë i pamundur.