Messi briliant në fitoren e thellë të Barcelonës (Foto)
13.3.2019 - 23:04
Barcelona e ka mposhtur me rezultat të thellë Lyonin 5-1, në kuadër të ndeshjes së dytë kthyese në 1/8 e finales së Ligës së Kampionëve.
Lojtari kryesor i Barcelonës në këtë ndeshje ishte Lionel Messi me dy gola dhe dy asistime.
Serinë e golave për Barcelonën e hapi Messi në minutën e 18’ nga penalltia.
Për rezultatin 2-0 u përkujdes Coutinho në minutën e 31’.
Pjesa e parë përfundoi me rezultatin 2-0.
Në pjesën e dytë Lyoni e ngushtoi epërsinë në minutën e 58’ me Tousart.
Barça e riktheu epërsinë prej dy golave me Messin në minutën e 78’.
Për golin e katërt dhe të pestë të blaugranëve shënuan Pique në minutën e 81’ dhe Dembele në minutën e 86’.