Llapi vazhdon me fitore e mposht edhe Trepçën 89’ (Foto)
09.3.2019 - 21:16
Llapi e ka mposhtur Trepçen 89‘ në kuadër të xhiros së 22-të në stadiumin “Zahir Pajaziti”, me rezultat 3-1.
Skuadra e Xhengis Rexhepit e nisi furishëm ndeshjen pasi në minutën e 7’ kaloi në epërsi me Valmir Veliun.
Trepça 89’ nuk u dorëzua dhe në minutën e 20’ e barazoi rezultatin me Gëzim Rusin.
Llapi e riktheu epërsinë me Ahmed Januzin në minutën e 32’.
Pjesa e parë përfundoi me rezultatin 2-1.
Mysafirët kishin mundësi që ta barazonin rezultatin me Djibril Diaëaran në minutën e 53’ nga penalltia por ai u tregua i pasaktë duke e goditur traversën.
Sulmuesi anësor i Llapit, Festim Alidema shënoi në minutat shtesë për rezultatin 3-1.
Pas kësaj fitoreje Llapi poziçionohet në vendin e dytë me 47 pikë.