Foto: Kallxo.com
Hendboll, Kosova U-18 mposht Britaninë e Madhe
Kosova U-18 e ka nisur mbarë garën IHF Trophy, duke mposhtur Britaninë e Madhe me rezultat 33-24.
“Dardanët” e rinj e nisën mbarë lojën, ku në fillim krijuan epërsi prej 7-0. Rrjedha e lojës në pjesën e parë shkonte mirë për Kosovën. Asnjëherë ‘dardanët’ nuk ishin më pak se tre gola në epërsi.
30 minutëshi i parë përfundoi me epërsi prej gjashtë golave, 19:13.
Edhe pjesën e dytë djemtë e Jeton Havollit e nisën mirë. Në një moment krijuan epërsi prej 10 golave, 30:20.
Loja përfundoi me epërsi prej nëntë golave për vendasit.
Golashënuesi më i mirë për Kosovën ishte Yll Muqolli me 13 gola. Ndërsa te Britania e Madhe ishte Fletcher Charles me pesë gola.
https://www.youtube.com/watch?v=ppcw2159mXk
Kosova nesër luan përsëri prej orës 16:00 në sallën “1 Tetori” kundër Moldavisë.
Ndërsa të enjten luan ndaj Shqipërisë.
IHF Trophy prej të martës deri të dielën organizohet në Prishtinë për grupmoshat U-18 dhe U-20.