Miratohet Ligji për Forcën e Sigurisë së Kosovës
14.12.2018 - 11:02
Kuvendi i Kosovës ka votuar në lexim të dytë edhe Projektligjin për Forcën e Sigurisë së Kosovës.
Me 107 vota për është miratuar ligji në fjalë.
Miratimi i Ligjit për FSK-në vjen pas votimit të Ligjit për Ministrinë e Mbrojtjes.
Pas këtyre dy ligjeve deputetët do të votojnë edhe projektligjin e tretë, atë për Shërbim në Forcën e Sigurisë së Kosovës.
Miratimi i këtyre tri ligjeve do të krijojë Ushtrinë e Kosovës.
Transformimi i FSK-së në Ushtri ka marrë mbështetjen e plotë të SHBA-ve dhe shteteve mike si Britania e Madhe dhe Gjermania.
Pas seancës së Kuvendit do të mbahet ceremonia kryesore e FSK-së në orën 17:00.