Foto Ilustrim: Urim Krasniqi/KALLXO.com
Vetëplagoset një person në Kaçanik
Policia e Kosovës ka njoftuar se një person është vetëplagosur në një lokal në Kaçanik.
Viktima ka deklaruar së është vetëplagosur derisa po qëndronte në lokal vetë i dyti dhe ishte takuar më tre persona tjerë.
Policia ka njoftuar se viktima është dërguar në QMF (Qendra e Mjekësisë Familjare) në Kaçanik dhe më pas në QKUK (Qendra Klinike Universitare e Kosovës) në Prishtinë.
“Sipas viktimës revolja është e tij dhe ishte vetëplagosur, mirëpo sipas viktimës mundet me ndodhë që dikush ja ka marrë revolen pasi është plagosur”, thuhet në njoftimin e PK-së.
Në vendin e ngjarjes janë sekuestruar nga forenzika 3 gota qelqi, 3 filgjanë porcelani dhe 2 shishe uji të cilat do të ekzaminohen.
Është sekuestruar edhe vetura e tipit Golf 4 pasi ende nuk janë sqaruar rrethanat e rastit.
Në njoftimin e policisë thuhet se nga dëshmitarët janë sekuestruar edhe dy telefona celular.