Vdes një i burgosur i Dubravës

Shërbimi Korrektues i Kosovës ka njoftuar se sot rreth orës 09:50 në Spitalin Rajonal të Pejës, ka ndërruar jetë një i burgosur F.F me vit të lindjes 1953.

“Gjatë qëndrimit të tij në Qendrën Korrektuese Dubravë vazhdimisht ka qenë me probleme shëndetësore të sistemit kardiak dhe me aparat të mbajtjes së ritmit, me sëmundje të sistemit urinar dhe në dializë për një kohë të gjatë”, thuhet në njoftim.

Sipas komunikatës i burgosuri tërë kohën ka qenë i shtrirë në Stacionarin e Burgut dhe kohë pas kohe, sipas nevojës dhe rekomandimeve të specialistëve edhe në QKUK dhe në Spitalin e Përgjithshëm në Pejë.

“Nga data 05.01.2021 me rekomandim të mjekut të Q.K Dubravë është hospitalizuar në  Repartin Kirurgjik të Spitalit Rajonal të Pejës, ku përkundër ofrimit të ndihmës mjekësore, i njëjti ka ndërruar jetë”, thuhet në njoftim.

Sipas njoftimit organet kompetente janë duke i zhvilluar procedurat ligjore.