Shqipëri, ekstradohet shtetasi turk i kërkuar nga Interpoli për mashtrim me kriptovaluta
20.4.2023 - 12:32
Një shtetas turk është ekstraduar për në Turqi nën dyshimin se ka mashtruar 391 mijë qytetarë me kriptovaluta, mashtrim ky me dëm ekonomik prej 2 miliardë dollarësh.
29-vjeçari turk ishte shpallur në kërkim ndërkombëtar, pasi Gjykata e Lartë e Stambollit në vitin 2021, kishte lëshuar urdhër arresti ndaj tij, për veprat penale “Krijimi i organizatës kriminale” dhe “Mashtrimi me pasoja të rënda”.
Policia e Shtetit në Shqipëri ka njoftuar se ky shtetas u kap më 30 gusht 2022, në Himarë, si rezultat i operacionit policor të koduar “Brain”, të zhvilluar nga Drejtoria Vendore e Policisë Elbasan, në bashkëpunim me FAST Albania, DVP Vlorë dhe Interpol Tiranën”.