Universiteti "Kadri Zeka", Gjilan
Shkarkohet Këshilli Drejtues i Universitetit të Gjilanit
08.7.2021 - 19:50
Anëtarët Ibrahim Kosumi, Yllka Behluli, Violeta Abazi, të Këshillit Drejtues në Universitetin e Gjilanit “Kadri Zeka” janë shkarkuar nga ministrja e Arsimit, Arbërie Ngavci.
Lajmin për KALLXO.com e ka konfirmuar Ibrahim Kosumi, i cili ka qenë kryetar i Këshillit Drejtues.
“Sot kemi marrë njoftimin për shkarkim, arsyet janë politike, neve edhe ashtu na përfundon mandati në tetor të këtij viti. Vendimet e ministres ne i mirëpresim, nuk jemi asgjë kundër”, ka thënë Kosumi.
Kosumi, Behluli dhe Abazi janë anëtarë të KD të emëruar nga Ministria e Arsimit.
Në tetor të vitit 2020 Këshilli Drejtues i Universitetit Publik “Kadri Zeka” i kishte vazhduar mandatin edhe për një vit Kryesuesit të Këshillit Drejtues Ibrahim Kosumit.
