Shiu depërton në objektin e Aeroportit të Prishtinës (VIDEO)
01.7.2023 - 16:48
Pas reshjeve të shiut dhe stuhisë, uji ka depërtuar edhe në Aeroportin e Prishtinës “Adem Jashari”.
KALLXO.com ka siguruar fotografi, në të cilat shihen disa persona duke larguar ujin.
Mot i ligë ka kapluar Prishtinën dhe disa qytete të tjera.
Instituti Hidrometeorologjik i Kosovës dje ka njoftuar se gjatë fundjavës pritet të ketë reshje shiu dhe shkarkim rrufesh.
“Reshjet më intensive parashihen ditën e diele, ku do të ketë edhe shkarkime rrufesh, por edhe dita e shtune parashihet të ketë reshje në shumë zona”- thuhet në njoftim.
Temperaturat minimale do të shënohen nga 12 gradë celsius ndërsa ato maksimale gjatë fundjavës dot ë shkojnë deri në 28 gradë celsius.