Ilustrim Foto: Afrim Ejupi / KALLXO.com
Rrahje mes dy vëllezërve në Partesh
03.10.2023 - 10:29
Policia e Kosovës ka njoftuar se dje gjatë ditës në Partesh kanë shoqëruar në stacion policor një person të dyshuar për sulm fizik ndaj vëllait të tij.
Sipas raportit 24-orësh, ngjarja ka ndodhur të hënën rreth orës 16:00.
“Është shoqëruar në stacionin policor i dyshuari serb kosovar pasi që, pas një mosmarrëveshje ka sulmuar fizikisht vëllain e tij viktimën serb kosovar” – ka thënë Policia e Kosovës.
Tutje është thënë se viktima ka pranuar tretman mjekësor dhe se me vendim të prokurorit pas intervistimit palët janë liruar dhe rasti shkon në procedurë të rregullt.