Ramiz Lladrovcit i arrestohet drejtori për korrupsion

Policia e Kosovës ka arrestuar sot drejtorin e Infrastrukturës në Komunën e Drenasit, Idriz Hysenaj.

Arrestimi është kryer nga njësitë për hetimin e krimit ekonomik dhe korrupsionit në rajonin e Prishtinës, me autorizim edhe të prokurorisë kompetente.

Sipas Policisë, pas hetimeve disamujore janë ndërmarrë veprimet e nevojshme hetimore me ç’rast ka rezultuar se i dyshuari me iniciale I.H., drejtor i Infrastrukturës në Komunën e Drenasit, për interesa personale dhe të kompanisë së tij (kompani për ndërtimin e objekteve banesore) ka keqpërdorur pozitën apo autoritetin zyrtar.

“Pas ndermarrjes së veprimeve hetimore të nevojshme, sigurimin e dëshmive, intervistimin e palëve dhe intervistimin e  personit të dyshuar me iniciale të lartpërmendura (I.H), i njëjti është arrestuar dhe me vendim të prokurorit kompetent dërgohet në mbajtje prej 48 orësh për procedura të mëtejme”, thuhet në njoftimin e Policisë.

Arrestimi i drejtorit të Komunës së drejtuar nga kryetari Ramiz Lladrovci vjen pak ditë pas përfundimit të fushatës zgjedhore, gjatë të cilës PDK, me kryetarin e saj dhe kandidatit për kryeministër, Kadri Veseli, e kishte shpallur prioritet luftën kundër korrupsionit dhe nepotizmit.

PDK qeveris që 12 vjet, Veseli thotë se korrupsioni ‘ka rritur nivel’ në Kosovë (VIDEO)

www.kallxo.com

Do NOT follow this link or you will be banned from the site!