Qeveria tregon datën prej kur do lejohen dasmat
23.6.2020 - 21:55
Qeveria e Kosovës në mbledhjen e mbajtur sot ka marrë vendim se nga data 28 qershor të lejohen mbajtja e tubimeve, ngjarjeve sportive e konferencat.
Vendimi është marrë me propozimin e ministrit të Shëndetësisë, Armend Zemaj, i cili tha se është bazuar në rekomandimet e IKShPK-së.
“Pika 1.5 e Vendimit të Qeverisë Nr. 01/07 të datës 11 mars 2020 me të cilin aktivitetet publike dhe jopublike kanë mundur të zhvillohen të mbyllura pa praninë e publikut si: ngjarjet sportive, tubimet, konferencat, tryezat e rrumbullakëta”, thuhet në vendimin e Qeverisë së Kosovës.
Gjithashtu në këtë mbledhje është marrë vendim që Aeroporti Ndërkombëtar i Prishtinës ‘Adem Jashari’ të hapet nga data 28 qershor.
