Protesta për punimet në rrugën Prishtinë-Pejë, arrestohen tre persona
23.4.2024 - 10:34
Tre persona janë arrestuar në Klinë më 22.04.2024, të cilët po protestonin kundër punimeve në rrugën Prishtinë-Pejë.
Sipas Policisë, ata dyshohen se gjatë protestës nuk u janë bindur urdhrave dhe kanë penguar zyrtarët policorë gjatë detyrës zyrtare duke i sulmuar ata.
Policia thotë se lëndime trupore kanë pësuar dy zyrtarë policorë dhe dy të dyshuar.
Me vendim të prokurorit të dyshuarit janë dërguar në mbajtje.