Nuk ka asnjë të prekur me Coronavirus në Pejë
Gjatë ditës së sotme u raportua në media se në qytetin e Pejës mund të jenë 4 persona të infektuar me sëmundjen Coronavirus.
Këtë e lajm e ka demantuar për KALXLO.com, drejtori i Shëndetësisë në Komunën e Pejës, Petrit Loci.
Ai në një prononcim të shkurtë tha se s’bëhet fjalë për ndonjë të prekur në Komunën e Pejës deri më tani.
“Përgjegjës është vetëm komuna e Pejës dhe Instituti i shëndetit publik, prandaj në këto rrethana është lajm jo i saktë”, tha drejtori i shëndetësisë në Pejë, Petrit Loci për KALLXO.com.
Deri më tani në Kosovë, nga sëmundja ngjitëse Covid 19, janë prekur 3 persona.
Institucionet shëndetësorë po bëjnë apel tek qytetarët që të mos dalin nga shtëpitë e tyre pa pasur nevojë.
Qeveria e Kosovës ka marrë vendim që t’i mbyllë hyrjet dhe daljet e qyteteve, Klinë dhe Viti, pasi që të prekurit vijnë nga këto dy komuna.
Qeveria e Kosovës poashtu të premten në mbrëmje ka marrë vendim që t’i mbyllë restorantet, kafiteritë e qendrat tregtare, duke lënë kështu të hapur vetëm dyqanet dhe farmacitë.