Foto: Afrim Ejupi/KALLXO.com
Ndalohet një automjet në Leposaviq, dyshohet se ka hyrë ilegalisht nga Serbia në Kosovë
30.1.2024 - 10:44
Policia e Kosovës ka ndaluar një automjet nën dyshimet se ka hyrë ilegalisht nga territori i Serbisë në Kosovë.
Ngjarja ka ndodhur mbrëmë rreth orës 23:00 në Leposaviq.
Sipas njoftimi, Policia e ka vërejtur të dyshuarin përmes kamerave të sigurisë.
Ndërsa, është bërë e ditur se automjeti kishte të ngarkuar një makinë pompuese të vajit.
Policia ka njoftuar se automjeti me ngarkesën është dërguar në terminalin doganor.
Ndërsa i dyshuari pas intervistimit me vendim të prokurorit është liruar në procedurë të rregullt.