Mot pranvere të premten dhe të shtunën
17.2.2022 - 19:47
Në dy ditët e ardhshme, të premten dhe të shtunën, temperaturat në Kosovë do të shkojnë deri në 17 gradë celsius.
Kështu njoftoi të enjten Instituti Hidrometeorologjik i Kosovës përmes një postimi në Facebook.
“Do të mbajë mot i vranët dhe me intervale me diell. Temperaturat minimale do të lëvizin ndërmjet 0-4 gradë Celsius, ndërsa maksimalet e ditës parashihet të lëvizin ndërmjet 14-17 gradë Celsius. Do të fryjë erë e lehtë nga drejtime të ndryshme”, thuhet në njoftim.