Kryeministri i Kosovës, Avdullah Hoti. Foto: Urim Krasniqi/KALLXO.com
Hoti bisedon me Lajçak: Dialogu duhet të përfundojë me njohje reciproke
01.10.2020 - 21:38
Kryeministri i Kosovës Avdullah Hoti ka biseduar sot me emisarin special të Bashkimit Evropian për dialogun, Mirosllav Lajçak.
Në një postim në Twitter, kreu i Ekzekutivit vendor ka dhënë detaje nga biseda me diplomatin sllovak.
Hoti tha se Kosova mbetet e përkushtuar në dialogun me Serbinë, por se ky proces duhet të përfundojë me një marrëveshje ligjërisht të obligueshme që çon në njohje reciproke.
Postimi i plotë i Hotit:
Sapo pata një diskutim thelbësor dhe të frytshëm me Miroslav Lajçak, të cilin e falënderova për angazhimin e tij në dialog. Kosova mbetet e përkushtuar në procesin e dialogut i cili duhet të rezultojë në një marrëveshje ligjërisht të detyrueshme që çon në njohjen reciproke. rtklive