Ilustrim
Gjakovë, raportohet se një person deponoi 500 euro false
19.1.2024 - 11:29
Një person në Gjakovë ka raportuar në Policinë e Kosovës se një klient kishte deponuar një kartëmonedhë me vlerë 500 euro.
Por e njëjta dyshohet të jetë e falsifikuar.
Siç njofton policia kartëmonedha është konfiskuar nga Forenzika.
Rasti ishte raportuar më 17 janar dhe është në procedurë hetimore, theksohet në raportin policor.
Në anën tjetër, nga 1 shkurti i këtij vitit do të ndalohet ri-qarkullimi i kartëmonedhës 500 euroshe nga institucionet financiare bankare dhe jo-bankare, sipas një vendimi të Bankës Qendrore të Kosovës (BQK).
Që nga viti 2019, shumica e bankave qendrore të eurozonës kanë ndaluar printimin e kartëmonedhës 500 euroshe.