Foto arkiv: Albin Kurti dhe Josep Borrell, Foto: ZKM
Fillon takimi Kurti - Borrell
Ka filluar takimi i kryeministrit Albin Kurti me ndërmjetësuesin e dialogut Kosovë- Serbi në Bruksel, Josep Borrell, mëson KALLXO.com.
Bashkimi Evropian në një komunikatë për media ka njoftuar sot se Borrell do të pres në një seri takimesh për menaxhimin e krizave kryeministrin e Kosovës Albin Kurti në Bruksel dhe presidentin serb Aleksandar Vuçiq.
Sipas njoftimit, diskutimet do të fokusohen në gjetjen e mënyrave për të shtensionuar situatë në veri të Kosovës.
Pas takimeve, Borrell pritet të prononcohet për mediat.
Vuçiq ka deklaruar se nuk do të takohet me kryeministrin e Kosovës, Albin Kurti. Ai ka thënë se nuk ka kuptim të flas me Kurtin, ndërsa ka shtuar se takohet vetëm me Borrellin.
Kryeministri i Kosovës Albin Kurti njoftoi dje se nga Roma do të udhëtojë për në Bruksel.
Ai ka thënë se do të insistojë për lirimin të 3 policëve të kidnapuar, deeskalimin dhe normalizimin e marrëdhënieve.
Për shkak të situatës së tensionuar në veri të Kosovës, të banuar me shumicë serbe, Bashkimi Evropian ka ftuar kryeministrin e Kosovës, Albin Kurti, dhe presidentin e Serbisë, Aleksandar Vuçiq, në një takim krize. Takimi është paraparë të mbahet këtë javë.