Falsifikimi i parasë, arrestohen dy të dyshuar në Prishtinë
18.4.2024 - 12:46
Policia e Kosovës ka njoftuar se ka arrestuar dy persona të dyshuar për falsifikim të parave në Prishtinë.
“Janë arrestuar dy të dyshuar meshkuj kosovarë nën dyshimin se kanë kryer veprën e lartcekur duke vënë në qarkullim para të falsifikuara”- thuhet në raportin policor.
Me vendim të prokurorit të dyshuarit janë dërguar në mbajtje.
Rasti raportohet se ndodhet në procedurë hetimore, thekson Policia.