EULEX-i shpëton një familje, vetura u kishte rënë në një kanal anësh rrugës

Derisa po patrullonin në pjesën veriore të Kosovës, pjesëtarë të EULEX-it kanë shpëtuar një familje, vetura e të cilëve kishte rënë në një kanal anash rrugës.

EULEX-i njofton se Njësia Policore e Specializuar, në orët e hershme të datës 26 nëntor kishin shpëtuar çiftin që po udhëtonin me fëmijën e tyre 3 vjeçar.

“Gjatë patrullimit vëzhgues në pjesën veriore të Kosovës, në orët e hershme të datës 26 nëntor, pjesëtarët e Njësisë Policore të Specializuar të EULEX-it e shpëtuan një çift që po udhëtonte me fëmijën e tyre 3-vjeçar, vetura e të cilëve kishte rrëshqitur dhe kishte rënë në një hendek anash rrugës”- thuhet në njoftim.

EULEX-i thekson se siguria e grave, burrave, vajzave dhe djemve nga të gjitha komunitetet në Kosovë mbetet prioriteti i tyre kryesor.

During a reconnaissance patrol in northern Kosovo, in the early hours of 26/11, members of #EULEX FPU rescued a couple with their 3-year-old child, whose car skidded & fell into a ditch.
The safety of women, men, girls, & boys from all communities in 🇽🇰 is our main priority! pic.twitter.com/MtP0GZ58Mv

— EULEX Kosovo (@EULEXKosovo) November 27, 2023