Diplomon gjenerata e 57-të e Policisë së Kosovës – Fotogaleri
Për 433 kadetë policorë, që i përkasin gjenratës së 57-të të Policisë së Kosovës, sot është duke u mbajtur ceremonia e diplomimit të tyre.
Nga këta kadet 380 janë burra dhe 53 janë gra.
Ceremonia po mbahet në Pallatin e Rinisë dhe të Sporteve në Prishtinë.
Policia e Kosovës ka njoftuar se në këtë ceremoni po marrin pjesë personalitete të larta shtetërore dhe ndërkombëtare, ambasadorë, familjarë të zyrtarëve policorë që do të diplomojnë dhe eprorë të Policisë së Kosovës.
Për shkak të kësaj ceremonie, PK njoftoi për mbylljen e disa rrugëve për qarkullim në kryeqytet.
“Po ashtu, ju njoftojmë se, në hyrje të rrugëve që qojnë tek Stadiumi ndërpritet qarkullimi i automjeteve, si nga hyrja nga rr. “Luan Haradinaj”, po ashtu edhe nga hyrja nga ambasada Kroate dhe nuk lejohet parkimi në atë zonë prej orës 15:00, sot deri nesër në përfundim të ceremonisë, andaj kërkojmë mirëkuptimin tuaj”- u tha në njoftimin e Policisë të dielën.
KALLXO.com sjell fotogalerinë nga diplomimi i policëve të rinj:
