Foto: KALLXO.com Ilustrim
Dhunim seksual në Mitrovicë, arrestohet i dyshuari
17.8.2020 - 15:08
Një i dyshuar është arrestuar në Mitrovicë pas ankesave të një personi të gjinisë femërore se është dhunuar seksualisht disa herë nga i njëjti.
Rasti ka ndodhur dje rreth orës 10:20.
Viktima ka raportuar se është sulmuar fizikisht nga i dyshuari.
Ajo është dërguar për tretman mjekësor në Spitalin rajonal të Mitrovicës dhe gjatë intervistimit ka deklaruar se nga i dyshuari është dhunuar disa herë seksualisht.
Me vendim të prokurorit i dyshuari është dërguar në mbajtje për 48 orë. Rasti, i cili po trajtohet si dhunim dhe lëndim trupor, vazhdon të hetohet.