Foto: Ilustrim
Deçan, ndalohet mësimdhënësi që dyshohet për sulm seksual ndaj një nxënëseje të mitur
12.6.2023 - 23:19
Një sulm seksual dyshohet se ka ndodhur në një shkollë në Deçan.
Mësimdhënësi dyshohet se ka puthur nxënësen e mitur.
Zëdhënësi i Prokurorisë së Pejës, Shkodran Nikçi, ka konfirmuar për KALLXO.com se i dyshuari është ndaluar për 48 orë.
“Me urdhër të prokurorit të shtetit personi i dyshuar është ndaluar për 48 orë nën dyshimin se ka kryer veprën penale “Sulm Seksual”. Prokurori i shtetit brenda afatit ligjor, ndaj të pandehurit do parashtrojë kërkesë për caktimin e masës se paraburgimit”- ka thënë ai.
“Prokurori i shtetit ka marrë veprime hetimore për ndriçimin e plotë të kësaj çështjeje penale, i cili ka shkuar në stacionin policor dhe ka urdhëruar sekuestrimin e telefonit të të pandehurit”- ka theksuar ai.