Foto: Bekë Berisha/Facebook
Bekë Berisha sfidon të ftohtin në Mokna, zhytet në liqenin e mbuluar me akull (FOTO)
13.12.2020 - 14:48
Deputeti i Kuvendit të Kosovës nga radhët e Aleancës për Ardhmërinë e Kosovës, Bekë Berisha, e ka sfiduar të ftohtin këtë fundjavë.
Në Moknën e zbardhur nga bora, deputeti Berisha është zhytur gjysmë i zhveshur në liqenin e mbuluar me akull.
“Mokna Extreme sports”, ka shkruar Berisha sipër disa fotografive në Mokna të publikuara në profilin e tij në Facebook. Në fotografi duket që Berisha ka qenë i shoqëruar edhe nga persona të tjerë në sfidën e tij.
Mali i Moknës është në kufirin midis Kosovës, Malit të Zi dhe Serbisë si pjesë e vargmaleve të Alpeve Shqiptare.
Foto: Bekë Berisha/Facebook