VIDEO - Bekë Berisha: Bravo të koftë kryeministër, i ke pagu 113 milionë euro për rrymën në veri

Deputeti Aleancës për Ardhmërinë e Kosovës, Bekë Berisha ka pyetur kryeministrin Albin Kurti nëse ‘Zajednica’ ka implikime buxhetore.

“Zajednica a ka implikime buxhetore, qysh jeni marrë vesh, a i paguajnë ata, a kem na me pagu qysh është kjo punë?”- ka pyetur Berisha.

Kështu është shprehur ai gjatë shqyrtimit të projektligjit për ndarjet buxhetore të buxhetit për vitin 2024.

Ndërsa i ka përmendur Kurtit edhe rrymën për serbët në veri të Kosovës.

“Kryeministër, ti i ke pagu këto ditë 113 milionë euro për rrymën e serbëve në veri. Nuk mundesh me masku në asnjë formë. 113 milionë, bravo të koftë” – ka thënë ai.

Berisha nuk ka marrë përgjigje nga kryeministri Kurti apo kabineti qeveritar lidhur me këto çështje.