Armend Zemaj paralajmëron masa të reja për pikat kufitare nga 20 qershori
19.6.2020 - 11:16
Ministri i Shëndetësisë, Armend Zemaj ka bërë të ditur se deri më datën 20 qershor do të bëhet rivlerësimi i situatës, ku më pas do të mund të ketë masa të reja lidhur me pikat kufitare të Kosovës.
“Deri më datën 20 qershor do të bëhet rivlerësimi i situatës në bazë të të cilit vlerësim do të reflektohen masat e reja lidhur me pikat kufitare dhe hyrjen e qytetarëve në Republikën e Kosovës”, tha ai.
Ministri Zemaj po raporton në Komisionit Parlamentar për Shëndetësi dhe Mirëqenie Sociale lidhur me menaxhimin e situatës me COVID-19.
Zemaj shtoi se lirimet e tjera të masave do të mund të bëhen vetëm pasi të sigurohen se masat në fuqi po zbatohen.