Foto ilustrim, Telegrafi
60 mijë euro, telefona, laptop e dokumente - Policia jep detaje nga bastisja e pronave të Mujkës dhe Muzliukajt
Dje, organet e ndjekjes arrestuan Faruk Mujkën, ish-nënkryetar i Komunës së Mitrovicës së Jugut dhe Hysen Muzliukajn, ish-drejtor i Kadastrit në këtë komunë.
Mujka dhe Muzliukaj po dyshohen për korrupsion ndërsa arrestimi i tyre ndodhi pas një hulumtimi nga Kallxo Përnime vitin e kaluar.
Sot, policia dha detaje nga bastisja e dy të dyshuarave.
“Më 14.07.2023 janë arrestuar dy të dyshuar meshkuj kosovarë me dyshimin se të njëjtit kanë kryer veprën penale të lart-cekur. Gjatë kontrollit në shtëpitë dhe banesat e të dyshuarve si prova materiale janë konfiskuar: 60.000 euro, 2 telefona, tre llap-topa , një USB dhe dokumente tjera të ndryshme lidhur me rastin” – thuhet në raportin 24 orësh të forcave të rendit.
Pas intervistimit me vendim të prokurorit dy të dyshuarit janë dërguar në mbajtje.