Rrena rreth një deklarimi të Dardan Gashit
Deklarata
Un Rakiçin e kam mik edhe ka me pas dhe jam i lumtur që e kam mik
Vlerësimi
Rrenë
Përshkrimi “Un Rakiçin e kam mik edhe ka me pas dhe jam i lumtur që e kam mik” është i rremë. Dardan Gashi, ish zv.kryeministër ka folur për Nenad Rashiqin, ish ministër në dy mandate në kohën e Hashim Thaçit dhe tash ministër edhe në kabinetin e Albin Kurtin. Ndërsa, Gashi nuk ka folur për Goran Rakiqin, kryetar i partisë Lista Serbe. Përveç mbishkrimit të rremë, është publikuar vetëm një sekuencë e një videoje në të cilën Gashi fol për Nenad Rashiqin, në atë mënyrë që nuk kuptohet konteksti për të cilin flet ai.
Artikulli
Më 9 dhjetor 2022 faqja në Facebook “Vitia Post” ka shpërndarë një video në të cilën flet analisti Dardan Gashi në emisionin “Debat plus” në RTV Dukagjini.
Kjo video mban mbishkrimin “Un Rakiçin e kam mik edhe ka me pas dhe jam i lumtur që e kam mik”.
Ky mbishkrim të cilin e ka publikuar “Vitia Post” është i rremë pasi që Gashi në video ka folur për Nenad Rashiqin.
Ai ka thënë “unë Rashiqin e kam mik, edhe e kam pasë edhe e kam edhe kam me e pasë, edhe jam shumë i lumtur që është”, kur ka folur për emërimin e tij nga Albin Kurti në postin e ministrit. Pra, Dardan Gashi ka qenë duke folur për Nenad Rashiqin vjen nga Partia Demokratike Përparimtare dhe është emëruar ministër për kthim dhe komunitete në Qeverinë e Kosovës.
Ndërsa, nuk ka folur për Goran Rakiq është Kryetari i partisë Lista Serbe.
Këtë gjë e ka pohuar për KALLXO.com edhe vet Dardan Gashi, i cili kanë thënë se në debat e ka përmendur emrin e Nenad Rashiqit.
“As që është përmendur Rakiq. Kjo është bë me qëllim”– ka thënë ai për KALLXO.com.
Video është publikuar në version të shkurtuar në atë mënyrë që nuk kuptohet as konteksti për të cilin ka folur Gashi për ministrin Nenad Rashiq.
