Qeveria nuk i ka blerë “dy snaiperistë!”
Deklarata
Eksluzive Qeveria blene dy snaiperist!
Vlerësimi
Rrenë
Përshkrimi i fotografisë “Eksluzive Qeveria blene dy snaiperist!” është i rremë. Qeveria e Kosovës nuk i ka blerë dy snaiperistë. Protagonisti i kësaj fotografie, deputeti Mefail Bajqinovci ka thënë se snajpersitët më të cilët ka dalë në fotografi nuk janë blerë, por janë qytetarë të Republikës së Kosovës dhe pjesëtarë të FSK-së.
Artikulli
Më 22 korrik 2023, faqja në Facebook “Vetëvendosie offishËll” ka shpërndarë një fotografi në të cilën shihet deputeti nga radhët e Lëvizjes Vetëvendosje, Mefail Bajqinovci me dy ushtarë të Forcës së Sigurisë së Kosovës.
Këta dy ushtarë janë në fotografi me snajper dhe me pajisjet e tjera të nevojshme për të kryer punën e snjaperistit, siç janë rrobat për tu kamulfuar me ambientin që e rrethon.
Në përshkrimin e këtij postimi është thënë “Eksluzive Qeveria blene dy snaiperist!”.
Lidhur me këtë, Krypometri ka kontaktuar me deputetin Mefail Bajqinovci, i cili ka shpejguar se fotografia është realizuar një vitë më parë dhe se ky postim nuk qëndron.
“Këta snajperistë janë gjatë vizitës së Komisionit të Sigurisë dhe Mbrojtjes në FSK”- ka thënë deputeti duke shpjeguar se ata janë qytetarë të Republikës së Kosovës.
Ai ka thënë se është pjesë e Komisionit Parlamentar për Çështje të Sigurisë dhe Mbrojtjes dhe për qëllim të aktiviteteve mbikëqyrëse bëjnë vizita të shpeshta në Forcën e Sigurisë së Kosovës, siç ishte edhe ajo e realizuar 8 korrik 2022, në Komandën e FSK-së në Istog.
