Përshkrimi i rremë se FSK përshëndetë Vuçiqin
Deklarata
FSK e përshendet Vuçiçin, po te Presim
Vlerësimi
Rrenë
Përshkrimi “FSK e përshendet Vuçiçin, po te Presim” është i rremë. Në ueb-faqen e ministrisë së Mbrojtës apo në profilin e FSK-së në Facebook asnjëherë nuk është publikuar një deklartë e tillë. Ministri i Mbrojtjes, Armend Mehaj ka thënë se nuk kanë bërë deklarime të tilla dhe se ato janë të rreme.
Artikulli
Faqja e facebook-ut, “Diaspora me Albinin” më 31 maj 2023 ka publikuar një video në të cilën shihet një konvoj i automjeteve luftarake dhe transportuese të Forcës së Sigurisë së Kosovës.
Në përshkrim të kësaj video është shkruar “FSK e përshendet Vuçiçin, po te Presim”.
Ky informacion është i rremë, pasi në video nuk shihet ndonjë moment kur FSK përshëndetë presidentin serb.
Poashtu, FSK-ja asnjëherë nuk ka lëshuar deklaratë të tillë duke i thënë presidentit të Serbisë, Aleksandar Vuçiq “po te presim”.
Në ueb-faqen e minsitrisë së Mbrojtjes apo në proflin e ministritë të Mbrojtjës, Armend Mehaj asnjëherë nuk është publikuar ndonjë deklaratë e tillë. Ministri i Mbrojtjes, Armend Mehaj disa herë ka bërë postime për FSK-në, duke ushtrimet dhe pajisjet ushtarake, por asnjëherë nuk ka thënë se “Vuçiq po të presim”.
“FSK-ja asnjëherë nuk bënë deklarime të tilla. Këto përshkrime janë të rreme”, ka thënë ministri i Mbrojtjes, Armend Mehaj për KALLXO.com.
Videoja është xhiruar në komunën e Gjilanit.