Fotografi e manipuluar e ish-deputetit Labinot Tahiri
Deklarata
Labinot Tahiri: Një kafe me kryeminstrin e Kosovës z.Albin Kurti
Vlerësimi
Me kos
Postimi “Labinot Tahiri: Një kafe me kryeminstrin e Kosovës z.Albin Kurti♥️” është i rremë. Ish-deputeti Tahiri ka thënë se nuk ka pirë kafe me kryeministrin Kurti. Edhe fotografia e Labinot Tahirit e publikuar nga kjo faqe është e manipuluar, pasi është vendosur fotografia e Albin Kurtit në filxhanin që Tahiri e mbanë në dorë gjatë një interviste të dhënë për Televizionin T7.
Artikulli
Më 25.04.2024, faqja në Instagram “muzikpershpirt” (Arkiva) ka publikuar një fotografi të ish deputetit të Kuvendit të Kosovës nga Aleanca Kosova e Re, Labinot Tahiri, i cili në dorë mbanë një filxhan me fotografi të kryeministrit të Kosovës, Albin Kurti (Arkiva).
Mbishkrimi i këtij postimi është “Labinot Tahiri: Një kafe me kryeminstrin e Kosovës z.Albin Kurti♥️”.
Krypometër, përmesë kërkimit në “Google Lens” ka gjetur se fotografia është realizuar në studion e Televizionit T7. Fotografia orgjinale që është postuar nga vet ish deputeti tregon se në gotë është logo e televizionit 7 (Arkivi).
Krypometri gjithashtu ka kontaktuar me ish deputetin, i cili gjithashtu ka thënë se fotografia është montazh.
“Nuk kam pi kafe me kryeminsitrin, por me gjithë deshirë do pinim nga një kafe sepse mendimet për Shqiperinë e bashkuar si politikan i kemi të njëjta”- tha Tahiri.
Tutje ai shtoi se kjo fotografi është e manipuluar.
“Këtë foto e kanë bërë montazh, por kur kam qenë në parlament jemi takuar nganjeherë aty pari”- ka thënë Tahiri.
Labinot Tahiri ka qenë deputet i Kuvendit të Republikës së Kosovës, në lagjislaturën e gjashtë (Arkiva) (03.08.2017 deri 22.08.2019).
Fillimisht ai kishte qenë pjesë e Aleancës Kosova e Re, e më pas ishte larguar nga kjo parti, e më 27.08.2019 kishte kaluar në Aleancën për Ardhmërinë e Kosovës (Arkiva).
Gjatë kohës sa ai ishte deputet, më 14.06.2019 ishte nderuar me medaljen e Heroit Kombëtar, Gjergj Kastrioti– Skënderbeu nga kyreministri i asaj kohe, Ramush Haradinaj (Arkivi).
Në zgjedhjet e 06.10.2019 ai kishte kandiduar për deputet, mirëpo nuk kishte arritur t’i siguronte votat. Më pas më 07.11.20119 ai kishte njoftuar se e kishte braktisur politikën (Arkivi).
