Soderberg: Ndikimi rus dhe ai kinez janë prezentë në Kosovë
Ambasadorja Nancy E. Soderberg, që është edhe drejtoreshë e NDI në Kosovë, ka thënë se ndikimi dhe dezinformimi rus në Kosovë është real.
Ajo në një intervistë për “Kallxo Përnime” ka thënë se si NDI kanë bërë një raport disa vjet më parë lidhur me këtë çështje.
“Shumica prej kësaj përmbajtjeje shpërndahet në mediat sociale. Dhe nëse shikoni sondazhet, ka një rritje në të gjithë rajonin në katër ose pesë vitet e fundit e që e shoh si shumë shqetësuese. Narrativat që po shtyhen nga Rusia dhe deri diku Kina, janë se nuk mund t’i besoni vërtet Perëndimit, që nuk ju duhet vërtet demokracia” – tha ambasadorja Nancy E. Soderberg
Ajo shton se disa nga sondazhet tregojnë se të rinjtë mendojnë “mirë që nuk duhet vërtet demokracia”, “autoritarizmi mund të funksionojë po aq mirë”.
“Ky është tregimi antirus, ne e kemi parë atë në vendin tim në SHBA në zgjedhjet tona. Kjo narrativë po fiton tërheqje dhe më shqetësuese në mesin e të rinjve, jo vetëm këtu në Kosovë, por në të gjithë rajonin. Unë do t’i inkurajoja lexuesit tuaj të lexojnë raportet tona për këtë rol dhe ne po punojmë tani me D4D këtu, e cila po bën raportet e veta të monitorimit që janë të frikshme. Dhe kështu le të kthehem te pyetja juaj se cilat janë interesat tona këtu. Nëse Rusia fitoi një terren në këtë pjesë të botës, ata nuk do të ndalen. Putini po përpiqet të rindërtojë këtë perandori të tipit carist. Nuk e kam idenë se si do të evoluojë lufta në Ukrainë, por jam shumë krenar që evropianët dhe SHBA po qëndrojnë me popullin e Ukrainës”, përfundoi ajo
National Democratic Institute (NDI) në Kosovë kishte publikuar raportin vjetor “Sfidat e integritetit të informacionit: Një kërcënim në rritje për demokracinë e Kosovës”, mbi monitorimin në internet dhe mediat sociale midis marsit 2020 – shkurt 2021.
