Ende asnjë informatë për vendodhjen e komandantit “Molla e Kuqe”

Remzi Shala, ish-komandant i UÇK-së i njohur si “Komandant Molla e Kuqe”, pas marrjes së informatës që është njëri nga personat që do të intervistohet nga Gjykata Speciale u largua pa lënë gjurmë për vendodhjen e tij.

Janë bërë pothuajse një muaj që kur ai ka pranuar ftesën nga kjo gjykatë dhe ai para se të largohet kishte deklaruar për KALLXO.com se nuk do t’i përgjigjet ftesës për t’u paraqitur në Hagë më 17 janar 2019.

Avokati i Remzi Shalës, Natal Bullakaj tha për KALLXO.com se Shala nuk është në shtëpinë e tij, por se nuk ka as njohuri se ku gjendet klienti i tij.

“As nuk mund ta pohoj, as ta vërtetoj e as ta kundërshtoj sepse nuk kam informata se ku gjendet. A është në Kosovë, a është jashtë Kosove, asnjë rrethanë nuk e kam të njohshme, por në shtëpinë e tij nuk është”, tha Bullakaj për KALLXO.com.

Shala sipas avokatit të tij është ftuar në këtë gjykatë në cilësinë e dëshmitarit.

Ndryshe, Shala është njëri prej 2 komandantëve të tjerë që kanë pranuar ftesë nga Gjykata Speciale.

KALLXO.com ka raportuar në vazhdim në lidhje më këtë çështje:

https://kallxo.com/nje-tjeter-komandant-i-uck-se-thirret-nga-gjykata-speciale/

https://kallxo.com/sami-lushtaku-ftohet-ne-hage/

https://kallxo.com/komandant-remi-thirret-per-interviste-ne-hage/

.