Komunarët e Mamushës të dhënë pas suxhukut e mishit të terur
Darkat dhe drekat e komunarëve të Mamushës, janë pothuajse në të gjitha rastet të shoqëruara me mish.
E si lloje më të preferuara nga ta është ‘suxhuku i Bosnjës’ si dhe mishi i terur, ndërsa më pak të preferuar kanë mishin e kombinuar.
KALLXO.com ka analizuar tri fatura të drekave dhe darkave zyrtare, të cilat janë të mbushura me lloje të ndryshme të mishit.
Në këto darka janë ngrënë 20 porcione mish i terur, të cilat kanë kushtuar 60 euro, poashtu janë ngrënë 42 porcione ‘suxhuk Bosnje’ të cilat kanë kushtuar 192 euro, si dhe janë ngrënë 19 porcione mish i kombinuar të cilat kanë kushtuar 247 euro.
Të gjitha këto porcione të mishrave të ndryshme, buxhetit të vogël të komunës së Mamushës i kanë kushtuar hiq më pak se 499 euro.
KALLXO.com në kuadër të dosjes ‘Sa Han Kryetari’ ka raportuar se komunarët e Mamushës një pjesë të madhe të buxhetit e shpenzojnë edhe në mish të pulës.
Poashtu KALLXO.com ka raportuar se Mamusha është një ndër komunat e pakta të Kosovës e cila buxhetin e saj nuk e harxhon në alkool.
8 Dhjetor 2017
Mish i terur (proshutë viçi) 6×3=18
Suxhuk Bosnje 14×5=70euro
Mish i kombinuar 8×13=104euro
12 Dhjetor 2017
Mish i terur 14×3=42euro
Suxhuk Bosnje 19×5=95euro
Mish i kombinuar 11×13=143euro
20 prill 2018
Suxhuk Porcion 9×3=27euro
Ky projekt mbështetet nga Fondacioni i Kosovës për Shoqëri të Hapur – KFOS. Përmbajtja është përgjegjësi e BIRN dhe në asnjë mënyrë nuk mund të konsiderohet si qëndrim i KFOS-it.