Prishtina – Drita përfundon pa fitues
20.12.2020 - 15:32
Prishtina dhe Drita i kanë ndarë pikët duke barazuar me rezultat 1-1, në kuadër të ndeshjes së mbetur të xhiros së tretë në Superligën e Kosovës.
Prishtina e nisi mirë ndeshjen duke krijuar shanse të mira me Otto Johnin i cili u tregua i pasaktë para portës së Dritës.
Besnik Krasniqi i kaloi vendasit në epërsi në minutën e 39’ nga penalltia.
Golin e barazimit Drita e shënoi me Fidan Gërbeshin në minutën e 84’.
Në fundin e takimit Ilir Blakçorri i Dritës u ndëshkua me karton të kuq.
Pas këtij barazimi Drita mbetet në vendin e parë me 41 pikë, tri më shumë se Ballkani në vendin e dytë duke u shpallur kampione vjeshtore.
Kurse, Prishtina në vendin e tretë me 32 pikë.