Foto: Urim Krasniqi/KALLXO.com
Prishtina triumfon ndaj Dritës (FOTO)
Prishtina ka triumfuar ndaj Dritës me rezultat 2-0, ndeshje e vlefshme për xhiron e 21-të në Superligën e Kosovës..
Leotrim Bekteshi e hapi serinë e golave në minutën e 17’ duke shënuar me kokë për t’i kaluar në epërsi vendasit.
Hamdi Namani i Dritës kishte mundësi që ta barazonte rezultatin në minutën e 23’ por goditi jashtë portës.
Prishtina kishte mundësi që ta dyfishonte epërsinë me Alban Shillovën në minutën e 34’ goditjen e të cilit e priti Faton Maloku.
Rastin më të mirë në pjesën e parë për mysafirët e pati Almir Ajzeraj në minutën e 45+3’ duke goditur jashtë portës.
Vendasit i patën dy mundësi të mira brenda pak sekondave në minutën e 56’ me Leonit Abazin dhe Alban Shillovën.
Drita mbeti me një lojtar më pak në minutën e 60’ pasi Henry Onoka iu ndëshkua me karton të kuq.
Çështjes së fituesit i dha fund Tun Bardhoku në minutën e 87’ pas asistimit të Endrit Krasniqit.
Pas kësaj fitoreje Prishtina pozicionohet në vendin e tretë me 41 pikë, tri më pak se Drita që është në vendin e dytë dhe katër më pak se Ballkani që është në vendin e parë.
Drita pas dy humbjeve radhazi pozicionohet në vendin e dytë me 44 pikë, një më pak se Ballkani që është në vendin e parë.
Në xhiron e ardhshme Drita luan si vendas ndaj Besës së Pejës.
Kurse, Prishtina i shkon Trepçës ’89.