Bernard Challandes infektohet me COVID-19
Trajneri i Kombëtares së Kosovës, Bernard Challandes ka rezultuar pozitiv në testet e fundit për coronavirus.
Federata e Futbollit e Kosovës ka njoftuar se Challandes dhe një anëtar i stafit të Kosovës kanë rezultuar pozitiv në testet e COVID-19.
Ndeshjen kundër Shqipërisë e cila dotë luhet sot në orën 16 në Elbasan do ta udhëheqë ndihmës trajneri Muharrem Sahiti.
“Pas kryerjes së testit për COVID-19, përzgjedhësi i Kombëtares, Bernard Challandes dhe njëri nga pjesëtarët e tjerë të stafit (menaxheri i pajisjeve), kanë rezultuar pozitiv.
Ata tashmë janë izoluar nga pjesa tjetër e ekipit deri në testin e radhës, që është programuar për të enjten për ndeshjen kundër Sllovenisë.
Kësisoj, ndeshjen e sotme miqësore kundër Shqipërisë do ta drejtojë ndihmëstrajneri i parë, Muharrem Sahiti”, thuhet në njoftimin e FFK-së.
