Enver Sekiraqa - Foto: KALLXO.com
Zogaj: Sekiraqa Është Liruar Pas Orës 16:00
19.10.2017 - 23:07
Sokol Zogaj, drejtor i burgjeve të Kosovës, ka konfirmuar për KALLXO.com se i paraburgosuri Enver Sekiraqa është dorëzuar te Policia e Kosovë pas orës 16:00.
“Ai është dorëzuar te policia e cila e ka shoqëruar për në arrest shtëpiak”, ka thënë Zogaj për KALLXO.com.
Për vite me radhë Sekiraqa kishte qëndruar në arrati ndërsa institucionet e vendit kishin shpallur për të një fletarresti ndërkombëtar në Interpol. Sekiraqa ishte vetë dorëzuar në polici në vitin 2012-të për t’i hapur rrugë një procesi gjyqësor ndaj tij.
Në vitin 2016, ai ishte dënuar me 37 vjet si personi përgjegjës për planifikimin e vrasjes së policit Triumf Riza.