TKK shfaq sot reprizën e shfaqjes ‘Skënderbeu - ose dashuri dhe liri’
01.2.2019 - 13:12
Shfaqja ‘Skënderbeu – ose dashuri dhe liri’ nga Tomas Uinkop dhe Fadil Hysaj, me regji të Hysajt jepet sot reprizë në Teatrin Kombëtar të Kosovës duke filluar nga ora 20:00.
Shfaqja rrëfen përpjekjet e një regjisori, i cili me një trupë aktorësh mundohet ta vë në skenë dramën e dramaturgut anglez Tomas Uinkop, “Skënderbeu – Ose dashuri dhe liri” e shkruar 3 shekuj më herët.
Koncepti inskenues që krijon ky regjisor në mendjen e tij nga drama e Uinkopit e ballafaqon atë me vështirësi të mëdha gjatë inskenimit, me që ai me kohë e kupton se lënda që i ofrohet nga autori dhe ajo që me ngulm mundohet të nxjerrë nga aktorët janë të pamjaftueshme për ta sjellë të gjallë në skenë vizionin e tij për Skënderbeun.