Foto: Ilustrim
Të shtëna armësh në Graçanicë, lëndohen tre policë, arrestohet i dyshuari
02.7.2018 - 14:35
Tre policë kanë marrë lëndime trupore pas një ballafaqimi me një person të dyshuar gjatë ditës së djeshme.
Sipas raportit ditor të policisë, një person ëshë arrestuar pasi që i njëjti ka shtënë me armë zjarri në një hotel në fshatin Preoc të Graçanicës.
Me të dalë në vendin e ngjarjes policia është ballafaquar me të dyshuarin i cili ka lënduar tre polic.
Në raport thuhet se policët e lënduar kanë pranuar tretman mjekësor.
Në vendin e ngjarjes janë gjetur dhe konfiskuar një pistoletë, dy karikatorë me 14 fishekë, një pistoletë tjetër me një karikator me dy fishekë dhe katër gëzhoja.
Me urdhër të prokurorit i dyshuari dërgohet në mbajtje.